Bosh sahifa › Yordam markazi › Yangiliklar va versiyalar tarixi

Yangiliklar va versiyalar tarixi

Uyda Ol ilovasining har bir versiyasida nima qo'shilgani, o'zgargani va tuzatilgani — iPhone (iOS) va Android uchun alohida tafsilot bilan.

Uyda Ol — Yordam markazi · Oxirgi yangilanish: 2026-10-29

Uyda Ol doimiy yangilanadi. Bu sahifada har bir versiyada nima o'zgargani to'liq yozib boriladi: yangi funksiyalar, o'zgargan oqimlar va tuzatilgan xatolar — iPhone va Android uchun alohida.

Ilova qanday yangilanadi

Minimal talab: Android 6.0 (API 23) va undan yuqori · iOS 15.0 va undan yuqori. Eski qurilmalarda ilova do'konda ko'rinmaydi.

Bosqichlar

1. Versiyani tekshiring — Profil → Sozlamalar → ilova haqida qismida joriy versiya yoziladi.
2. Yangilanish taklifini qabul qiling — Android'da ilova ichida, iPhone'da App Store'ga o'tib.
3. Yangiliklar ro'yxatini ko'ring — shu sahifadan qaysi versiyada nima qo'shilganini o'qishingiz mumkin.
4. Muammo bo'lsa xabar bering — Profil → Taklif va xatolar, yoki Telegram: @uydaoladmin.

---

Server va web yangilanishi — 2026-10-29 (Hisobni to'ldirish)

Serverda va uydaol.uz saytida — darhol ishlaydi. iPhone (iOS 15+) va Android (6.0+) ilovalarida yangi oyna keyingi ilova versiyasida chiqadi; ungacha ilovada to'ldirish avvalgidek chek bilan ishlaydi.

Yangi

• Hisobni to'ldirish avtomatik tasdiqlanadi. Hisobim → «To'ldirish» →

summani yozing → «Davom etish». Ilova aniq summani beradi (masalan 50 037 so'm) — aynan shuni ko'rsatilgan Humo yoki Uzcard kartaga o'tkazing, pul tushgach 1–2 daqiqada balansingizga o'tadi. Chek yuklash va qo'lda tekshiruvni kutish shart emas.

• To'lov sahifasi: aniq summa va karta raqami nusxalash tugmasi bilan,

qolgan vaqt (30 daqiqa) va holat jonli ko'rinadi; pul tushishi bilan «Hisob to'ldirildi» oynasi chiqadi.

O'zgargan

• «So'rovlarim» da yangi holatlar: «To'lov kutilmoqda» va **«Vaqti

tugadi»; kutilayotgan to'ldirishda «To'lov ma'lumoti»** tugmasi.

• Avtomatik tasdiq vaqtincha ishlamasa, ilova o'zi eski yo'lga qaytadi:

karta + chek rasmi + tekshiruv.

---

1.0.39 (77) — 2026-09-25

iPhone (iOS 15+): App Store ko'rigiga yuborildi · Android (6.0+): Google Play'ga chiqarildi. «Serverda» deb belgilangan bandlar ilovani yangilamasdan ham ishlaydi.

Yangi — iPhone va Android

• Telegramdagi e'loningizni SKU kod bilan o'z hisobingizga biriktirish.

Profil → «Mening e'lonlarim» → yuqori o'ng burchakdagi SKU tugmasi → e'lon ostidagi kodni yozing (masalan, TG026092500534). E'lon darhol ko'rinadi. E'londagi telefon raqami siz ro'yxatdan o'tgan raqamga mos bo'lsa, e'lon va unga mijozlar yozgan xabarlar hisobingizga o'tadi. Raqam +998 bilan yozilganmi yoki usizmi — farqi yo'q. Mos kelmasa, sababi aniq yoziladi. Batafsil: E'lonni boshqarish.

• Hisobim: faollashtirish, o'tkazma kodi, cheklar va sozlamalar. Hisobdan

pul chiqarish uchun hisobni bir marta faollashtirasiz (shaxs va manzil tasdig'i, 4 raqamli o'tkazma kodi). Har o'tkazma va yechish shu kod bilan tasdiqlanadi; 5 marta xato kiritilsa hisob vaqtincha qulflanadi, kodni SMS orqali tiklash mumkin. Har o'tkazmaning cheki bor — rasm yoki matn qilib ulashish mumkin. Batafsil: Hisobim.

• «Taklif biznesi» — to'liq yo'l ko'rinadi. Har taklif qilgan odamingiz

bo'yicha: havolani bosdi → ro'yxatdan o'tdi → e'lon joyladi → o'zi ham kimnidir taklif qildi. Har qatorda «o'zi ham N kishini taklif qildi» yozuvi.

• Yangi taklif mukofoti: «keyingi odamni taklif qildi» (serverda). Siz

taklif qilgan do'stingiz o'zi birinchi odamini olib kelganda sizga qo'shimcha mukofot yoziladi (bir marta). Odatiy tekshiruvdan o'tgach hisobingizga tushadi.

Yangi — server

• Telegram guruhlaridagi sotuvchilarga rozilik so'rovi (serverda).

Telegram guruhiga joylangan e'lon «Uyda Ol»da ham ko'rsatilishi uchun egasidan rozilik so'raladi: «Tasdiqlash», «Rad qilish» va «Ilovani o'rnatish» tugmalari bilan. «Ilovani o'rnatish» bosilsa, qo'llanma (Play Market va App Store havolalari bilan) o'sha chatga keladi. «Rad qilish» bosilsa, e'lon ilovadan olib tashlanadi.

Tuzatilgan

• Taklif havolasi orqali kelgan do'stingiz endi yo'qolmaydi *(serverda

va ilovada)*. Ba'zi telefonlarda havolani ochib, ilovani yuklab olgan odam kimning taklifi bilan kelgani aniqlanmay qolardi — bonus yozilmasdi. Aniqlash usuli tuzatildi.

• **«Taklif biznesi»dagi ikkinchi daraja kartasida son o'rniga matn

chiqardi** — tuzatildi.

---

1.0.41 (81) — 2026-09-27

iPhone (iOS 15+): App Store ko'rigiga yuboriladi · Android (6.0+): Google Play'da chiqadi. «Serverda» deb belgilangan bandlar ilovani yangilamasdan ham ishlaydi.

Yangi — iPhone va Android

• E'lonlarda video. Lentada video e'lonning muqovasi va ▶ belgisi

ko'rinadi, e'lon sahifasida video o'ynaydi.

• Telegramdagi e'lonni faollashtirish. Jamoamiz yuborgan

uydaol.uz/act/… havolasi e'loningizni sotish oynasida tayyor holda ochadi: tekshirasiz, «Saqlash» ni bosasiz, ro'yxatdan o'tasiz — e'lon hisobingizga o'tadi (qo'llanma: «E'lonni boshqarish»).

• E'lon ko'rilishlar soni (👁) e'londa ko'rsatiladi.
• Taklif (referal): yig'ilgan balans, kutilayotgan va olingan mukofotlar

alohida; balansni asosiy hisobga (15 000 so'mdan) va kartaga o'tkazish.

O'zgargan — iPhone va Android

• E'lonni ulashish endi e'lon sahifasi havolasini (uydaol.uz/a/…)

beradi — Telegram va WhatsApp'da e'lonning o'z rasmi chiqadi; matn ostida ilovani yuklab olish havolasi bor.

Faqat Android

• Faollashtirish havolasidan Google Play orqali o'rnatilsa, ilova birinchi

ochilganda e'lonni o'zi ochadi.

Faqat iPhone

• Ilovani o'rnatgandan keyin faollashtirish havolasini qayta bosing.

Server

• Ulashilgan e'lon sahifasida App Store va Google Play tugmalari telefonda ham

ko'rinadi; eski ?type=ad havolalari e'lon sahifasiga yo'naltiriladi.

• Bosh sahifa havolasi yangi logotip bilan ko'rinadi.

1.0.40 (79) — 2026-09-26

iPhone (iOS 15+): App Store ko'rigiga yuboriladi · Android (6.0+): Google Play'da chiqadi. Server tomonidagi cheklovlar ilovani yangilamasdan ham ishlaydi.

O'zgargan — iPhone va Android

• Ro'yxatdan o'tmagan foydalanuvchi faqat bosh sahifa lentasini ko'radi.

E'lon, mahsulot yoki katalog (masjid, oshxona, do'kon, xizmat) ichini ochganda «Ro'yxatdan o'ting» oynasi chiqadi — rasm, nom va narx ko'rinib turadi.

• Savatga qo'shish, like, sevimlilar, izoh va sharh — endi ro'yxatdan

o'tganlar uchun.

• **Sotuvchiga qo'ng'iroq, chat, narx taklifi, buyurtma, posilka va e'lon

joylash** — bosilganda darhol ro'yxatdan o'tish taklif qilinadi (ilgari e'lon formasi to'liq to'ldirilib, faqat oxirida so'ralardi).

• Ro'yxatdan o'tgach o'sha sahifa o'zi ochiladi — qaytadan qidirish shart emas.

Server

• Buyurtma, chat, like, izoh, shikoyat, savat va e'lon yaratish serverda ham

faqat ro'yxatdan o'tgan hisob uchun ochiq.

Server yangilanishi — 2026-09-25 (Hisobim)

Serverda — iPhone va Android uchun bir xil, darhol ishlaydi. Yangi ekranlar (faollashtirish, kod, cheklar, hisob sozlamalari) keyingi ilova versiyasida chiqadi.

O'zgargan — iPhone va Android

• Hisobdan pul chiqarish endi faqat faollashtirilgan hisobda. O'tkazma va

kartaga yechish uchun shaxs va manzil (GPS bilan), 4 raqamli o'tkazma kodi va to'liq profil talab qilinadi. Pul qabul qilish avvalgidek ishlaydi.

• Har o'tkazma va yechish o'tkazma kodi bilan tasdiqlanadi. Eski ilova

versiyasida o'tkazma «Avval hisobingizni faollashtiring» xabari bilan to'xtaydi — ilovani yangilang.

• Faollashtirilmagan foydalanuvchiga pul o'tkazib bo'lmaydi.
• Hisoblar noldan boshlandi. Sinov davridagi barcha hisob qoldiqlari va

o'tkazmalar tarixi tozalandi.

Yangi — server

• Uyda Ol asosiy hisobi (so'm va won): hisobni to'ldirish, bonuslar va

qaytarilgan pullar shu hisob orqali yuradi — har bir so'm qayerdan kelib, qayerga ketgani bitta joyda ko'rinadi.

• O'tkazma cheki: chek raqami, jo'natilgan hudud, tasdiqlangan ismlar.

1.0.38 (76) — 2026-09-21

iPhone (iOS 15+): App Store ko'rigiga yuboriladi · Android (6.0+): Google Play'da chiqdi. «Serverda» deb belgilangan bandlar ilovani yangilamasdan ham ishlaydi.

Yangi — iPhone va Android

• Taklif havolasining sahifasi butunlay yangilandi (serverda).

Do'stingiz havolani ochganda endi ixcham, chiroyli sahifa ko'radi: taklif qilgan odamning ismi va rasmi, ilovaning asosiy imkoniyatlari va jonli animatsiya bilan «har bir taklif qilgan odamingiz uchun 1 500 so'mgacha» bloki. Sahifa telefonda tez ochiladi.

• Sahifada til almashtirish. Yuqori o'ng burchakda **O'zbekcha /

Русский** tugmasi — do'stingiz o'ziga qulay tilda o'qiydi.

• Raqamni oldindan qoldirish va DARHOL tekshirish (serverda).

Do'stingiz ilovani yuklashdan oldin raqamini yozib qo'ysa, taklif yo'qolmaydi — keyin o'sha raqam bilan ro'yxatdan o'tsa, bonus sizga yoziladi. Raqam yozilishi bilan javob chiqadi:

• raqam yangi bo'lsa — «Qabul qilindi»;
• allaqachon ro'yxatdan o'tgan bo'lsa — «Ilovadan bemalol foydalaning,

lekin bu raqam uchun taklif bonusi berilmaydi»;

• boshqa odamning taklifi bilan kelgan bo'lsa — shunday deb aytiladi.

Raqamni to'liq yozib bo'lgach o'zi tekshiriladi, hech narsa bosish shart emas.

• «Do'stingizning do'sti» — ikkinchi daraja (serverda). Siz taklif

qilgan odam O'ZI kimnidir taklif qilsa, siz ham ulush olasiz — ularni taklif qilishingiz shart emas, ulush o'zi hisoblanadi. «Taklif biznesi» sahifasida yangi bo'lim: nechta odam kelgani, nechtasi e'lon joylagani va tekshiruvdagi summa ko'rinadi. Ulush miqdori sozlamada belgilanadi va birinchi daraja bilan bir xil qoidalardan o'tadi (soxta hisob, bitta qurilma, bir joydan ko'p odam — hammasi tekshiriladi).

• Bloklangan taklif endi SABABI bilan ko'rinadi. «Taklif biznesi»

sahifasida yangi «Tekshiruvdan o'tmadi» bo'limi: kim va nega hisobga olinmagani yoziladi. Ilgari bunday taklif jimgina yo'qolar va «do'stim ro'yxatdan o'tdi, lekin hisobim o'smadi» degan savol javobsiz qolardi.

O'zgargan

• Taklif bonusi qoidalari aniqlashtirildi (serverda). Bonus haqiqiy

yangi foydalanuvchi uchun beriladi. Endi aniq qoidalar:

• bitta telefon raqami uchun bonus faqat bir marta — hisob o'chirilib

qayta ochilsa ham, raqam almashtirilsa ham;

• bitta telefonda ikkinchi hisob ochish mumkin, lekin unga bonus

yozilmaydi;

• bitta joydan bitta odamga 4 tadan ortiq taklif bonus keltirmaydi.

Bu qoidalar halol foydalanuvchiga to'siq bo'lmaydi — ular faqat bir odamning o'zini ko'p odam qilib ko'rsatishini to'xtatadi. Batafsil: Taklif biznesi.

• **Taklif havolasini ulashish uchun raqamingiz tasdiqlangan bo'lishi

kerak** (serverda). «Taklif biznesi» bo'limini ochish uchun telefon raqami tasdiqlangan bo'lsin.

Tuzatilgan

• Taklif sahifasida tilni almashtirganda havola yo'qolmaydi (serverda).

Ilgari til almashtirilganda taklif belgisi tushib qolar va do'stingiz kimning havolasi orqali kelgani hisobga olinmay qolishi mumkin edi.

• «Taklif biznesi» sahifasidagi qotib qolish. Sahifa ba'zan o'zidan

o'zi yangilanib, bosilgan tugmalar ishlamay qolardi.

• Hisob va hujjatlar himoyasi kuchaytirildi (serverda). Shaxsni

tasdiqlash hujjatlari, ariza fayllari va to'lov cheklariga kirish qoidalari qattiqlashtirildi; hisob va pul amallarida qo'shimcha tekshiruvlar qo'yildi. Foydalanuvchi tomonidan hech narsa o'zgarmaydi — hammasi serverda.

• Qurilma haqiqiyligini tekshirish yoqildi. Ilova endi o'zining

haqiqiy nusxasi ekanini tizimga tasdiqlaydi. Bu soxta mijozlar orqali bo'ladigan suiiste'molni to'xtatadi.

---

1.0.37 (75) — 2026-09-20

iPhone (iOS 15+): App Store ko'rigiga yuboriladi · Android (6.0+): Google Play ko'rigiga yuboriladi. «Serverda» deb belgilangan bandlar ilovani yangilamasdan ham ishlaydi.

Yangi — iPhone va Android

• Guvohnomasiz ham do'kon ocha olasiz. Ilgari hujjat to'liq bo'lmasa

ariza rad etilardi. Endi cheklangan tasdiq beriladi: do'kon yoki oshxona paneli darhol ochiladi — vitrinani sozlaysiz, mahsulot va menyu qo'shasiz, xodim yollaysiz. Faqat bitta farq bor: hujjat tasdiqlanmaguncha biznesingiz mijozlarga ko'rinmaydi.

• Hujjat talabi — to'g'ri ilovaga keladi (serverda). Sizdan qaysi

hujjat kerakligi push-bildirishnoma bilan yuboriladi; bosilsa «Hujjatlar» sahifasi ochiladi. Talab yo'qolmaydi: biznes panelining yuqorisida va «Sozlamalar» bo'limida ro'yxat bo'lib turadi.

• Hujjatni bir bosishda yuborish. «Hujjat yuklash» → kamera yoki

galereya → rasm ketadi va holat «Tekshirilmoqda» bo'ladi. Qabul qilinmasa sababi yoziladi va qayta yuklash mumkin.

• Tasdiqlangach hammasi o'zi ochiladi (serverda). So'ralgan

hujjatlarning hammasi qabul qilingach biznesingiz avtomatik ommaga chiqadi va sizga tabrik xabari keladi. Hech narsani qaytadan kiritmaysiz — mahsulot, narx, qoldiq, banner va sozlamalar joyida qoladi. Batafsil: Do'kon ochish · Biznes profil.

O'zgargan

• Ariza holatlari kengaydi. «Kutilmoqda · Tasdiqlangan · Rad etilgan ·

To'xtatilgan» qatoriga «Cheklangan tasdiq» qo'shildi — panel ochiq, lekin biznes hali ommaga chiqmagan degani.

• Tekshiruvdan o'tmagan do'kon havola bilan ham ochilmaydi (serverda).

Ilgari ro'yxatda ko'rinmasa ham to'g'ridan-to'g'ri havola ishlayverardi. Endi begona odamga «Do'kon hozircha mavjud emas» yozuvi chiqadi — egasi va xodimlari uchun esa vitrina odatdagidek ishlaydi.

• Hujjati tasdiqlanmagan biznes mahsuloti lentaga chiqmaydi (serverda).

Mahsulot o'chmaydi — vaqtincha yashiriladi va do'kon ochilgan kuni bir yurishda qaytariladi.

Tuzatilgan

• Rad etilgan biznes bozorda qolib ketmaydi (serverda). Ilgari bir

marta tasdiqlangan do'kon keyin rad etilsa ham ro'yxatlarda ko'rinib turardi — endi ko'rinish ham birga yopiladi.

---

1.0.37 (73) — 2026-09-20

iPhone (iOS 15+): App Store ko'rigiga yuboriladi · Android (6.0+): Google Play ko'rigiga yuboriladi. «Serverda» deb belgilangan bandlar ilovani yangilamasdan ham ishlaydi.

Yangi — iPhone va Android

• Taklif biznesi. Profil menyusida yangi bo'lim: do'stingizni shaxsiy

havola bilan taklif qilasiz — u havola orqali kirsa, ro'yxatdan o'tsa va 3 kun ichida birinchi e'lonini joylasa, Hisobimga jami 1 500 so'm bonus tushadi (250 + 250 + 1 000). Bonus faqat taklif qiluvchiga beriladi. Batafsil: Taklif biznesi.

• Havola va tayyor matn bilan ulashish. «Ulashish» tugmasi Telegram,

WhatsApp yoki nusxalash uchun tayyor matn beradi; matnni o'z so'zingiz bilan tahrirlash mumkin — havola oxiriga o'zi qo'shiladi.

• Takliflarim ro'yxati. Har bir do'st uchun uch bosqichli ko'rsatkich

(kirdi · ro'yxatdan o'tdi · e'lon joyladi), qancha vaqt qolgani va bonus holati («kutilmoqda», «tekshiruvda», «tushdi»).

• Eslatma yuborish. Do'stingiz ro'yxatdan o'tib e'lon joylamagan bo'lsa

tayyor shablon bilan bir bosishda eslatasiz (24 soatda bir marta, eng ko'pi 3 ta); tizim o'zi ham 24 va 60 soatdan keyin eslatadi.

• Hisobimda kutilayotgan bonus. «Hisobim» kartasida tekshiruvdagi

summa «Kutilmoqda» qatorida alohida ko'rinadi; tasdiqlangach balansga tushadi va tarixda «Uyda Ol · Taklif bonusi» deb yoziladi.

• Hisobni to'ldirish. «Hisobim» sahifasida yangi tugma: karta

ma'lumotlari ko'rsatiladi, siz pul o'tkazasiz va chek rasmini biriktirasiz. Tekshirilgach summa balansingizga tushadi va bildirishnoma keladi.

• Pul yechish. To'plangan pulni (shu jumladan taklif bonuslarini) o'z

kartangizga chiqarasiz: summa va karta raqamini yozasiz, summa darhol hisobdan ushlanadi va to'lovdan keyin so'rov yopiladi. Rad etilsa yoki o'zingiz bekor qilsangiz — pul hisobingizga qaytariladi.

• «So'rovlarim». Hisobim sahifasida to'ldirish va yechish so'rovlari

holati bilan turadi («tekshirilmoqda», «hisobga tushdi», «kartaga o'tkazildi», «rad etildi»), kutilayotgani alohida ta'kidlanadi.

• Bozorlik cheki endi yozma holda ulashiladi. «Chekni ulashish»

tugmasi faqat havola emas, TO'LIQ chekni yuboradi: mahsulotlar ro'yxati narxlari bilan, mahsulotlar summasi, yetkazib berish, umumiy to'lov, to'lov kartasi raqami va ilovani yuklab olish havolalari. Qabul qiluvchi ilovani ochmasdan ham chekni o'qiy oladi. Batafsil: Bozorlik.

• Chek havolasi ilovada ochiladi. Havolaga bosilganda chek to'g'ridan-

to'g'ri ilovada ochiladi; ilova o'rnatilmagan bo'lsa o'sha havola brauzerda chekning to'liq sahifasini ko'rsatadi va App Store / Google Play tugmalarini beradi.

• Chekda to'lov kartasi. Bozorlik chekining ichida to'lov uchun karta

raqami turadi va bir bosishda nusxalanadi — «qayerga to'layman?» deb qayta so'rash shart emas.

Platformaga xos

• Android. Do'stingiz Google Play'dan o'rnatsa taklif avtomatik

bog'lanadi — hech narsa kiritish shart emas.

• iPhone. Havola bosilganda kod eslab qolinadi; ilova birinchi ochilganda

«Sizni … taklif qildimi?» tasdig'i chiqishi mumkin. Bog'lanmasa kodni «Meni kimdir taklif qilganmi?» bo'limiga 7 kun ichida qo'lda kiritish mumkin.

Serverda

• Bonuslarni tekshirish va to'lash. Ro'yxat bonusi 24 soat, e'lon bonusi

48 soat tekshiruvdan o'tadi; tasdiqlanganlar har soatda Hisobimga o'tkaziladi. Soxta hisob, bir qurilmadan ko'p ro'yxat yoki bo'sh e'lon aniqlansa bonus bekor qilinadi.

• Havola sahifasi (uydaol.uz/r/…) — ilova o'rnatilmagan bo'lsa

do'stingizni Google Play / App Store'ga yo'naltiradi.

• Bozorlik chekining ochiq sahifasi (uydaol.uz/bchek/…) — endi chek

serverda tayyorlanadi: Telegram yoki WhatsApp'ga tashlanganda oldindan ko'rinishda ilovaning yangi logotipi, buyurtma raqami va summasi chiqadi (ilgari saytning umumiy sarlavhasi ko'rinardi).

• Bozorlik ish vaqti. Xizmat vaqtincha yopilgan yoki ish vaqti tugagan

bo'lsa, yangi buyurtma yaratilmaydi va sabab yozib ko'rsatiladi.

• To'ldirish va yechish so'rovlari. Har bir so'rov tekshiriladi va pul

faqat tasdiqlangach ko'chadi. Balans hech qachon qo'lda yozilmaydi: har harakat ikki tomonlama yozuv bilan bajariladi, shu bois tizimda pul yo'qdan paydo bo'lmaydi va yo'qolmaydi. Takroriy bosish yoki internet uzilishi pulni ikki marta ko'chirmaydi.

---

1.0.36 (72) — 2026-09-18

iPhone (iOS 15+): App Store ko'rigiga yuborildi · Android (6.0+): Google Play ko'rigiga yuborildi. «Serverda» deb belgilangan bandlar ilovani yangilamasdan ham ishlaydi.

Yangi

• Uyda Ol'dan bildirishnoma. Muhim xabarlar endi to'g'ridan-to'g'ri

ilovada ko'rinadi: yangilik, ogohlantirish yoki taklif. Xabar ustiga bosganingizda kerakli joy ochiladi — masalan Telegram kabineti, kerakli bo'lim lentasi yoki havola. Bu manzillar faqat shu versiyadan boshlab ochiladi, eski versiyada xabar ochilmay qolishi mumkin.

Tuzatilgan

• Rasmsiz e'lon sahifasi. Sotuvchi rasm qo'ymagan e'lon ochilganda sahifa

bo'sh yoki buzuq ko'rinardi — endi «Rasmsiz e'lon» belgisi va tafsilotlar tartibli chiqadi.

• Ulashish tugmasi. E'lon sahifasidagi «Ulashish» ba'zi qurilmalarda

ishlamasdi; endi ishlaydi, ulashish oynasi ochilmasa havola buferga nusxalanadi.

• Rasmni to'liq ekranda ochish. Ochilganda oq chaqnash bo'lib, rasm avval

kichkina chiqib keyin kattalashardi — bu tuzatildi.

• Qo'ng'iroq tugmasi. Telefon ilovasi topilmaganda «Ilova topilmadi»

o'rniga raqamning o'zi ko'rsatiladi (nusxalab olsa bo'ladi); Android'da raqamga qo'ng'iroq ruxsati to'g'rilandi.

• Havola orqali kirish. Tashqi havoladan (Telegram, brauzer) ilovaga

o'tganda kerakli sahifa o'rniga bosh sahifa ochilib qolishi tuzatildi.

• Yangilanish oynasi ilova ko'rinishiga moslandi.

Serverda

• Telegram e'lonlari yig'ish to'xtab qolgani tuzatildi. 17-18 sentabr

oralig'ida guruhlardan yangi e'lon kelmay qolgan edi — sabab topilib tuzatildi va tizimga doimiy nazorat pulsi qo'shildi (bundan keyin bunday to'xtash darhol aniqlanadi).

• Chet el guruhlari ajratildi. Rossiya va Turkiyadagi guruhlardan kelgan,

rubl yoki lira narxidagi e'lonlar O'zbekiston lentasiga tushmaydigan bo'ldi.

• Tizim o'zini kuzatadi va tuzatadi. Nosozlik bo'lsa ma'lum davolar

avtomatik qo'llanadi, kunlik audit o'tkaziladi va natija ma'murga xabar qilinadi.

---

1.0.35 (71) — 2026-09-15

iPhone (iOS 15+): App Store ko'rigiga yuborildi · Android (6.0+): Google Play ko'rigiga yuborildi. «Serverda» deb belgilangan bandlar ilovani yangilamasdan ham ishlaydi.

Yangi

• Hamkor dasturi (tashqi sotuvchi). Do'kon yoki oshxona sahifasidagi

«Tashqi sotuvchi bo'ling» kartasi orqali ariza berasiz; ega va Uyda Ol tasdiqlagach Profil → Biznes → «Hamkorim» bo'limida mahsulotlar, shaxsiy havola, QR kod va statistika ochiladi. Batafsil: Hamkor dasturi.

• Hamkor Hisobimi. «Hamkorim» sahifasida balans kartasi: ulushlar Hisobimga

tushadi, «O'tkazish» bilan boshqa foydalanuvchiga yuboriladi.

• Egalar uchun: hamkor arizalari, ulush foizi va ruxsatlar, to'lovlar

(«To'ladim» yoki do'kon hisobi / shaxsiy Hisobimdan to'lash, «Hammasini to'lash»), mahsulot bo'yicha alohida ulush.

• Oshxona paneli → «Sozlamalar» markazi — obuna holati va oshxonaning

barcha sozlamalari bitta sahifada (do'kondagidek).

O'zgargan

• Ilova tezroq ochiladi va kamroq internet sarflaydi. Bosh sahifadagi

«Sizga yaqin» tasmalari (oshxona, do'kon, masjid, xizmat) telefonda saqlanadi — har ochilishda qayta yuklanmaydi; ishga tushishdagi keraksiz yuklashlar olib tashlandi.

• Sahifalar qayta-qayta yuklanmaydi. Oshxonalar ro'yxatida qidiruvga yozganda,

mahsulot sahifasini aylantirganda, chatda va menyuda ma'lumot qaytadan yuklanib «yuklanmoqda» ko'rinmaydi.

• Do'konlarda qidirish osonlashdi. Play Market va App Store'da «uy», «uyda»,

«Uyda Ol» yoki «UydaOl» deb yozsangiz ilova chiqadi (App Store'da shu versiyadan).

Tuzatilgan

• Bosh sahifadagi «Yangi qo'shilgan» bloki bir muddatdan keyin o'z-o'zidan

yo'qolib qolardi.

• Chatda rasm/video yuborilayotganda sahifadan chiqilsa ilova xato berardi.

Serverda

• E'lon videolari tezroq ochiladi. Videolar endi o'zimizning video

xizmatimizda telefon uchun siqiladi (720p va 480p, vertikal videolar sifatini yo'qotmaydi); eski e'lonlar videolari ham asta-sekin qayta ishlanmoqda.

• Hisob xavfsizligi kuchaytirildi: SMS kodlarga urinishlar soni va

so'rovlar chastotasi cheklandi, eskirgan kirish yo'llari yopildi.

• Soxta savdodan himoya (hamkor dasturi): o'z xaridi, bir qurilma/manzildan ko'p

akkaunt, yangi akkauntlar oqimi, kuryer = hamkor, g'ayrioddiy summa — ulush tekshiruvga ushlanadi; to'langan soxta ulush qaytariladi yoki keyingi ulushlardan ushlanadi.

• Koreya: jismoniy shaxs hamkor ulushidan 3.3% soliq avtomatik hisoblanadi.
• Kuryer faqat o'ziga biriktirilgan yoki bo'sh buyurtmani o'zgartira oladi.
• Obuna to'lovi, do'kon qoldig'i va kuryer statistikasi ikki marta

hisoblanib qolish holatlari tuzatildi.

• Hisob o'chirilganda hamkorliklar tugatiladi va shaxsiy ma'lumotlar o'chiriladi.

---

1.0.34 (70) — 2026-09-14

iPhone (iOS 15+): App Store'da chiqdi · Android (6.0+): Google Play'da chiqdi.

Yangi

• Koreya do'konlari va oshxonalari uchun obuna — vonda (₩). Biznes

obunasi endi O'zbekiston va Koreya uchun alohida: Koreyadagi biznes tariflarni va to'lov summasini vonda ko'radi, O'zbekistondagi — so'mda. Koreya uchun:

• dastlabki 3 oy bepul (STANDART imkoniyatlari bilan);
• keyingi 3 oy STANDART — ₩55,000/oy;
• BUSINESS — ₩99,000/oy, PRO — ₩169,000/oy;
• 7-oydan narxlar o'zgarishi mumkin — oldindan xabar beriladi.

Batafsil: Biznes obuna.

• «Narxlar jadvali». Obuna sahifasida qaysi oyda qancha to'lashingiz

bosqichma-bosqich ko'rinadi (bepul davr → kafolatlangan narx → keyingi davr).

O'zgargan

• Obuna sahifasida «Tariflar» yonida narx qaysi bozorniki ekani yoziladi

(«O'zbekiston · so'm» / «Koreya · ₩»).

• Koreyada to'lov bank hisobiga qilinadi va hisob raqami bank formatida

(110-123-456789) ko'rsatiladi.

• Von narxlari Koreya odatidagidek vergul bilan yoziladi: ₩55,000.

Serverda (ilovani yangilash shart emas)

• Obuna qaysi davlatga tegishli ekani do'kon/oshxonangiz joylashuvidan

avtomatik aniqlanadi; to'lov summasi va valyuta shu davlat bo'yicha hisoblanadi.

iPhone (iOS)

• Yuqoridagi barcha o'zgarishlar iPhone'da ham bir xil.

Android

• Yuqoridagi barcha o'zgarishlar Android'da ham bir xil.

---

1.0.33 (69) — 2026-09-12

iPhone (iOS 15+): App Store ko'rigiga yuborildi · Android (6.0+): Google Play ko'rigiga yuborildi.

Yangi

• «Narxni xaridorlar belgilaydi» e'loni. Endi narx qo'ymasdan ham e'lon

joylash mumkin — narxni xaridorlarning o'zi belgilaydi:

• e'londa narx o'rnida «Narx taklifi» yozuvi turadi;
• hali taklif bo'lmasa — «Birinchi narxni siz berib ko'ring»;
• taklif kelgach — «1 ta odam 50 000 so'm taklif qildi · siz ham taklif

qilib ko'ring», eng yuqori taklif esa kartada narx o'rnida turadi;

• takliflar ochiq: kim va qancha berganini hamma ko'radi;
• sotuvchi eng yuqorini olishga majbur emas — kim bilan savdo qilishni

o'zi tanlaydi;

• chat faqat taklif bergandan keyin ochiladi.

Yoqish: Sotish → Tafsilotlar → «Narxni xaridorlar belgilasin». Batafsil: Narx taklifi.

• «Hisobim» — ichki hisob va pul o'tkazish. Endi har bir foydalanuvchida

Uyda Ol hisobi bor (Profil → «Hisobim»):

• hisob raqami — ro'yxatdan o'tgan telefon raqamingiz (alohida raqam

yodlash shart emas);

• boshqa foydalanuvchiga uning telefon raqami orqali pul o'tkazasiz —

raqamni kiritganingizda qabul qiluvchining ismi chiqadi;

• yuborishdan oldin tasdiqlash varag'i: kimga, qancha va hisobingizda

qancha qolishi;

• harakatlar tarixi — kim, qachon, qancha (jurnal o'chirilmaydi).

Batafsil: Hisobim.

• «Dehqondan Ol» bo'limi. Ilgari «Tabiiy mahsulotlar» deb atalgan bo'lim

to'liq qayta qurildi va uch qismdan iborat bo'ldi:

• Harid — dehqonlarning sotuvdagi mahsulotlari (meva-sabzavot, chorva,

sut-tuxum, yem-xashak, ko'chat-urug', agro-texnika). Savatga solib buyurtma berasiz, kuryer yetkazib beradi.

• E'lonlar — avvalgidek e'lon lentasi (chorva, texnika, hosil).
• O'simliklar — 14 ta asosiy ekin bo'yicha bilimlar bazasi: yetishtirish,

oziqlantirish, kasallik va zararkunandalar, hosil va saqlash. Har bir o'simlik ostida dehqonlar savol-javobi — savol berasiz, tajribali dehqonlar javob yozadi.

• Dehqon profili. Har bir xo'jalikning o'z sahifasi: ferma haqida, yer

maydoni, faoliyat turi, mahsulotlar, postlar va qisqa videolar (Reels), mijozlar sharhi.

• «Mening fermam» paneli — dehqonlar uchun: mahsulot qo'shish, buyurtmalarni

boshqarish, post va video joylash, virtual hisob va sotuv ko'rsatkichlari.

• Hosilga oldindan buyurtma. Hali pishmagan hosilni bron qilish mumkin:

pul oldindan olinmaydi, hosil tayyor bo'lganda dehqon buyurtmani faollashtiradi.

• Ulgurji narx. Dehqon ma'lum miqdordan ko'p olinganda arzonroq narx

qo'yishi mumkin — do'kon va oshxonalar uchun qulay.

• Dehqon ishonch darajasi — telefon tasdiqlangan, hujjat tekshirilgan yoki

joyida tekshirilgan. Daraja dehqon kartasida nishon bilan ko'rinadi.

• Do'kon buyurtmalarini kuryer yetkazishi. Ilgari faqat oshxona buyurtmasini

kuryer olib borardi; endi do'kon va ferma buyurtmalari ham kuryer bo'limida ko'rinadi.

• Kuryer hisobi (depozit). Naqd to'lovli buyurtmada kuryer mahsulotni

olganda summa uning hisobidan yechiladi va sotuvchiga o'tadi; naqd pulni kuryer mijozdan o'zi oladi. Shu bilan naqd pul yo'qolmaydi.

• Sotuvchi virtual hisobi — oshxona, do'kon va ferma uchun: naqd savdodan

tushgan pul va uning to'liq jurnali.

• Oshxona paneli kengaytirildi — statistika markazi, moliya va tannarx,

ombor va retsept, aksiya (promo-kod), xodimlar va ruxsatlar.

• Narx taklifi. E'lon egasiga xaridor o'z narxini taklif qila oladi; summa

maxfiy qoladi, e'londa faqat «necha foiz taklif kelgani» ko'rinadi.

• Savdo shartlari — e'londa «bepul beraman», «ayriboshlayman» va

«yetkazib beraman» belgilari.

• Yangi foydalanuvchi yo'riqnomasi — birinchi kirishda qadamli ko'rsatma.
• Sotuvchi va kuryer hisoblari nazorati (serverda) — tizimdagi har bir

so'm qayerdan chiqqani va qayerda turgani hisobga olinadi; pul yo'qdan paydo bo'lishi va izsiz yo'qolishi texnik jihatdan imkonsiz.

O'zgargan

• «Tabiiy mahsulotlar» nomi hamma joyda «Dehqondan Ol» ga almashdi —

bosh sahifadagi tugma, kategoriya nomi va qidiruv natijalari.

• Buyurtmalar tarixida sotuvchi nomi to'g'ri ko'rsatiladi (ilgari ba'zi

buyurtmalarda uzun kod ko'rinardi).

• Kuryer bo'limida «Do'kondan oldim» tugmasi ferma buyurtmasida **«Fermadan

oldim»** deb yoziladi.

Tuzatilgan

• Oshxona panelidagi 9 ta bo'lim umuman ochilmasdi — tuzatildi.
• Oshxona xodimi panelga kira olmasdi.
• Profildagi «Ishlayotgan oshxonam» bandi sahifani ochmasdi.
• Do'kon mahsuloti Telegram guruhiga yuborilganda faqat rasm tushib, matn

yo'qolardi (serverda — ilovani yangilash shart emas).

• Hisob jurnali («Tarix») oshxona va do'kon egasiga ochilmasdi (serverda).
• Ro'yxatdan o'tgandan keyin ba'zan qizil xato ekrani chiqardi.
• Buyurtma valyutasi noto'g'ri ko'rsatilishi (so'm ⇄ won) tuzatildi.

---

1.0.32 (68) — 2026-09-08

iPhone (iOS 15+) va Android (6.0+) — ikkala do'konda ham.

Yangi

• Shaxsiy tavsiya tizimi — bosh sahifa, lenta va oshxona tasmalari sizning

qiziqishingizga moslashadi (nimani ko'rgan, sevimliga qo'shgan, buyurtma qilganingiz asosida). Barchasi telefoningizda hisoblanadi.

• Sotish sehrgarida savdo shartlari — bepul berish, ayriboshlash va

yetkazib berish (masofasi bilan).

• Oshxonalar bo'limining bo'sh holati — hududingizda oshxona bo'lmasa

«So'rov qoldirish» tugmasi chiqadi.

Tuzatilgan

• Rasmsiz e'lonlarda Telegram guruh kartasi endi matn ko'rsatadi.
• «Do'konimni qo'shish» tugmasi to'g'ri sahifaga olib boradi.

---

Oldingi versiyalar

Oldingi versiyalarda kiritilgan asosiy funksiyalar: e'lonlar va sotish sehrgari, Taomlar, Bozor va Bozorlik, Do'konlar, Taksi va taksometr, Navigatsiya, Pochta/kargo, Koreya bo'limi, islomiy xizmatlar, postlar va Reels, chat, biznes obuna, qorong'u rejim, ko'p tillilik.

Qulayliklari

• Nima o'zgarganini bilib borasiz — yangilanishdan keyin tugma joyi

o'zgarsa ham adashmaysiz.

• iPhone va Android alohida — qaysi funksiya sizning qurilmangizda

ishlayotganini aniq bilasiz.

• «Serverda» belgisi — ba'zi tuzatishlar uchun ilovani yangilash shart

emasligini ko'rsatadi.

Savol-javob

Uyda Ol'ning oxirgi versiyasida nima yangilik?

Oxirgi versiyada «Dehqondan Ol» bo'limi to'liq qayta qurildi (dehqon profili, mahsulot savdosi, hosilga oldindan buyurtma, o'simliklar bilimlar bazasi), do'kon buyurtmalari kuryerga ulandi, kuryer va sotuvchilar uchun virtual hisob qo'shildi, oshxona paneli statistika, moliya va ombor bilan kengaytirildi.

Ilovani qanday yangilayman?

Android'da ilova o'zi yangilanish taklif qiladi (yoki Google Play → «Mening ilovalarim»). iPhone'da ilova ochilganda yangilanish oynasi chiqadi, «Yangilash» tugmasi App Store sahifasiga olib boradi.

Ilovani yangilamasam ishlaydimi?

Ishlaydi, lekin yangi funksiyalar ko'rinmaydi. Faqat serverda qilingan tuzatishlar eski versiyada ham ta'sir qiladi — ular yuqorida «serverda» deb belgilangan.

Qaysi Android va iPhone versiyalari qo'llab-quvvatlanadi?

Android 6.0 (2015-yil) va undan yuqori, iPhone'da iOS 15.0 va undan yuqori. Eski qurilmalarda ilova do'konda umuman ko'rinmaydi.

Yangilanishdan keyin ma'lumotlarim yo'qoladimi?

Yo'q. E'lonlar, buyurtmalar, sevimlilar va profil serverda saqlanadi — yangilanish ularga tegmaydi.

Yangi versiyada xato topsam nima qilaman?

Profil → «Taklif va xatolar» orqali yozing yoki Telegram: @uydaoladmin. Qaysi versiyada ekanini yozib qo'ysangiz tezroq tuzatiladi.

O'xshash qo'llanmalar