Bosh sahifa › Yordam markazi › Taklif biznesi — do'stingizni taklif qiling, 1 500 so'm oling

Taklif biznesi — do'stingizni taklif qiling, 1 500 so'm oling

Uyda Ol'da shaxsiy havolangizni ulashing — do'stingiz ro'yxatdan o'tsa, e'lon joylasa va o'zi ham birovni taklif qilsa, har bosqich uchun 500 so'mdan referal balansingizga tushadi. 15 000 so'm yig'ilgach asosiy hisobga o'tkazib, kartaga yechib olasiz. Bosqichlar, holatlar va qoidalar.

Uyda Ol — Yordam markazi · Oxirgi yangilanish: 2026-09-27

Taklif biznesi — Uyda Ol'ni do'stlaringizga tanishtirib bonus olish yo'li. Profilingizda shaxsiy havola bor; do'stingiz shu havola orqali ilovani ochib ro'yxatdan o'tsa, e'lon joylasa va o'zi ham kimnidir taklif qilsa — har bosqich uchun 500 so'mdan, jami 1 500 so'm sizning referal balansingizga tushadi. Balans 15 000 so'mga yetgach uni asosiy hisobga (Hisobim) o'tkazasiz, u yerdan esa kartaga yechib olasiz.

Bonus faqat taklif qiluvchiga beriladi. Do'stingizga ilovani yuklagani yoki ro'yxatdan o'tgani uchun pul berilmaydi — u oddiy foydalanuvchi sifatida bepul e'lon joylaydi va ilovaning barcha imkoniyatlaridan foydalanadi.

Bonus qanday hisoblanadi

Jami — 1 500 so'm har bir to'liq o'tgan do'st uchun. Havola orqali shunchaki kirish (ro'yxatsiz) uchun bonus yo'q. Taklif soniga chegara yo'q: 10 do'st — 15 000 so'm, 100 do'st — 150 000 so'm.

Pul qanday yig'iladi va yechiladi

«Taklif biznesi» sahifasida uchta ko'rsatkich turadi:

1. Do'stingiz bosqichni bajaradi — summa «Kutilayotganlar»ga qo'shiladi va 24 soat tekshiriladi.
2. Tekshiruvdan o'tgach pul «Yig'ilgan balans»ga — referal balansingizga tushadi, bildirishnoma keladi.
3. Balans 15 000 so'mga yetgach «Asosiy hisobga o'tkazish» tugmasi faollashadi — bir bosishda hammasi Hisobimga o'tadi. 15 000 so'mdan kam bo'lsa o'tkazib bo'lmaydi; sahifada yana qancha kerakligi ko'rinadi.
4. Hisobimdan pulni kartaga yechib olasiz yoki boshqa foydalanuvchiga o'tkazasiz (qarang: «Hisobim» qo'llanmasi).

Bosqichlar

1. Profilni oching → menyudan «Taklif biznesi»ni tanlang. Birinchi ochilishda shaxsiy havolangiz va kodingiz yaratiladi.
2. «Ulashish»ni bosing — tayyor matn va havola bilan ulashish oynasi ochiladi. Telegram, WhatsApp yoki istalgan ilovaga yuborasiz; «Nusxalash» bilan havolani buferga olasiz.
3. Matnni o'zingizga moslang (ixtiyoriy) — «Matnni tahrirlash» orqali o'z so'zlaringiz bilan yozing; havola matn oxirida avtomatik qo'shiladi.
4. Do'stingiz havolani bosadi — ilova o'rnatilgan bo'lsa to'g'ridan-to'g'ri ochiladi, bo'lmasa Google Play / App Store'ga o'tadi va o'rnatgach sizning taklifingiz eslab qolinadi.
5. «Takliflarim» ro'yxatida kuzating — har bir do'st uchun uch bosqichli ko'rsatkich (✅ bajarildi · ⏳ tekshiruvda · ○ hali yo'q) va «E'lon uchun 2 kun 5 soat qoldi» kabi hisoblagich turadi.
6. Eslatma yuboring — do'stingiz ro'yxatdan o'tib e'lon joylamagan bo'lsa «Eslatma yuborish» tugmasi chiqadi: tayyor shablonlardan birini tanlaysiz, do'stingizga bildirishnoma boradi.
7. Balansni kuzating — tekshiruvdan o'tgan bonus «Yig'ilgan balans»da yig'iladi; 15 000 so'mgacha qancha qolgani chiziqda ko'rinadi.
8. Asosiy hisobga o'tkazing — balans 15 000 so'mga yetgach «Asosiy hisobga o'tkazish»ni bosing. Pul Hisobimga tushadi, tarixda «Uyda Ol · Taklif bonusi» deb yoziladi.
9. Kartaga yeching — Profil → «Hisobim» → «Yechib olish»; yoki pulni boshqa foydalanuvchiga o'tkazing.

Do'stingiz havolani ochganda nima ko'radi

Havola telefonda ochilsa, do'stingiz ixcham sahifani ko'radi: sizning ismingiz va rasmingiz, ilovaning imkoniyatlari va «Ilovani yuklab olish» tugmasi. Sahifada O'zbekcha / Русский tugmasi bor — u o'ziga qulay tilni tanlaydi.

Sahifada ixtiyoriy telefon maydoni ham bor:

1. Do'stingiz raqamini yozadi — raqam to'liq bo'lishi bilan **darhol

tekshiriladi** (hech narsa bosish shart emas).

1. Raqam yangi bo'lsa «Qabul qilindi» deb yoziladi va taklif yo'qolmaydi:

do'stingiz ilovani keyinroq yuklab, o'sha raqam bilan ro'yxatdan o'tsa ham bonus sizga yoziladi.

1. Raqam allaqachon ro'yxatdan o'tgan bo'lsa, do'stingizga darhol aytiladi:

ilovadan foydalana oladi, lekin bu raqam uchun bonus bo'lmaydi.

Raqam yozish majburiy emas — havoladan o'tib ilovani yuklab olishning o'zi ham yetarli.

Havola qanday ishlaydi

• Havola ko'rinishi: uydaol.uz/r/KODINGIZ. Har bir foydalanuvchida bitta doimiy kod bo'ladi.
• Android: do'stingiz Google Play'dan o'rnatsa taklif avtomatik bog'lanadi.
• iPhone: havola bosilganda kod xotiraga olinadi; ilova birinchi ochilganda «Sizni … taklif qildimi?» degan tasdiq chiqishi mumkin — do'stingiz «Ha»ni bosadi.
• Avtomatik bog'lanmasa do'stingiz Profil → Taklif biznesi → «Meni kimdir taklif qilganmi?» bo'limiga kodingizni 7 kun ichida qo'lda kiritishi mumkin.
• Havola bosilganidan keyin do'stingiz 7 kun ichida ro'yxatdan o'tishi kerak, aks holda taklif «Muddati o'tdi» bo'ladi.

Holatlar nimani bildiradi

Kim «yangi foydalanuvchi» hisoblanadi

• Ilovada ilgari ro'yxatdan o'tmagan telefon raqami bilan kirgan odam.
• Havolani bosgandan keyin ro'yxatdan o'tgan bo'lishi kerak — eski hisobga havola bilan kirish hisoblanmaydi.
• Bitta telefon raqami uchun bonus faqat BIR MARTA. Hisob o'chirilib

qayta ochilsa ham, raqam boshqa hisobga ko'chirilsa ham — o'sha raqam ikkinchi marta bonus keltirmaydi.

• Bitta telefonda ikkinchi hisob ochish mumkin, lekin bonus yozilmaydi.

Qurilmada ilgari biron hisob ochilgan bo'lsa (u referal bilan kelganmi yoki yo'qmi — farqi yo'q), yangi hisob uchun bonus berilmaydi. Ilovadan foydalanishga hech qanday to'siq yo'q.

• Bitta joydan 4 tadan ortiq emas. Bitta manzildan (taxminan bir uy

atrofi) bitta odamga 4 tagacha taklif bonus keltiradi; 5-si va keyingilari uchun bonus yozilmaydi. Bu chegara har bir taklif qiluvchi uchun alohida hisoblanadi — qo'shningiz ham taklif qilsa, u sizning hisobingizga ta'sir qilmaydi.

• O'zingizni yoki ikkinchi raqamingizni taklif qilish mumkin emas.
• Bir martalik (ijaraga olinadigan, internet orqali sotiladigan) raqamlar

bonus keltirmaydi.

Nega bunday qattiq? Bonus — haqiqiy yangi foydalanuvchi uchun. Bitta odam o'zini ko'p odam qilib ko'rsatsa, pul haqiqatan do'stini taklif qilganlardan olinadi. Halol foydalanishda bu qoidalarning birortasiga urilmaysiz.

Do'stingizning do'sti (ikkinchi daraja)

Siz taklif qilgan odam o'zi ham kimnidir taklif qilsa, siz ham ulush olasiz. Zanjir shunday:

1. Siz do'stingizni taklif qilasiz — u uchun to'liq bonus sizga.
2. Do'stingiz keyingi odamni taklif qiladi — unga to'liq bonus.
3. Sizga o'sha odam uchun qo'shimcha ulush yoziladi.

Muhim jihatlar:

• Ulushni olish uchun hech narsa qilish shart emas — o'zi hisoblanadi.
• Ulush platformadan to'lanadi, do'stingizning bonusidan olinmaydi —

ya'ni uning puli kamaymaydi.

• Zanjir ikki daraja bilan cheklangan: do'stingizning do'stining do'sti

uchun ulush yo'q.

• Ulush birinchi daraja bilan bir xil tekshiruvlardan o'tadi: yangi

raqam, yangi qurilma, joylashuv chegarasi, haqiqiy e'lon. Birinchi daraja bekor qilinsa, ulush ham bekor qilinadi.

• Ulush miqdori «Taklif biznesi» sahifasidagi «Qoidalar»da yoziladi;

u sozlamaga qarab o'zgarishi mumkin.

«Taklif biznesi» sahifasida «Do'stingizning do'sti» bo'limi shu daraja yoqilgan bo'lsagina ko'rinadi.

Nega taklifim hisobga olinmadi

«Taklif biznesi» sahifasida «Tekshiruvdan o'tmadi» bo'limi bor — u yerda kim va nega hisobga olinmagani yoziladi. Eng ko'p uchraydigan sabablar:

Xavfsizlik uchun sabab qisqa yoziladi — begona odamning ma'lumoti ko'rsatilmaydi. Qoidalar buzilmagan deb hisoblasangiz, Telegram @uydaoladmin ga yozing.

Eslatmalar

• Do'stingiz ro'yxatdan o'tib e'lon joylamagan bo'lsa siz «Eslatma yuborish»ni bosishingiz mumkin — 24 soatda bir marta, bir do'stga eng ko'pi 3 ta.
• Tizim o'zi ham eslatadi: ro'yxatdan 24 soat va 60 soat o'tgach «Birinchi e'loningizni joylang» bildirishnomasi boradi.
• Do'stingiz eslatmalardan voz kechishi mumkin — u holda tugma ko'rinmaydi.

Qoidalar va bekor qilish

• Bonus avval referal balansida yig'iladi. Asosiy hisobga (Hisobim) o'tkazish kamida 15 000 so'm bo'lganda mumkin; Hisobimdan kartaga yechib olinadi.
• Do'stingizning e'loni 48 soat ichida o'chirilsa, rad etilsa yoki bo'sh (rasmsiz, narxsiz, ma'nosiz) bo'lsa, e'lon bonusi berilmaydi yoki qaytarib olinadi.
• Soxta hisoblar, bir qurilmadan ko'p ro'yxat, o'zini taklif qilish, nusxa e'lonlar — bonus bekor qilinadi, takroriy holatda havola to'xtatiladi.
• Havolani spam tarzida (begona guruhlarga ommaviy) tarqatish taqiqlanadi.
• Bonus miqdori va shartlari oldindan xabar berib o'zgartirilishi mumkin; joriy shartlar har doim «Taklif biznesi» sahifasidagi «Qoidalar»da turadi.

Qulayliklari

• Chegarasiz daromad — har bir to'liq o'tgan do'st uchun 1 500 so'm, taklif soniga limit yo'q.
• Hech narsa sotish shart emas — do'stingiz shunchaki ilovaga kirib bepul e'lon joylaydi.
• Hammasi ko'rinib turadi — har do'stning qaysi bosqichda ekani, qancha vaqt qolgani va bonus holati bitta ro'yxatda.
• Tayyor matn va bir bosishda ulashish — Telegram, WhatsApp yoki nusxalash; xohlasangiz o'z so'zingiz bilan.
• Eslatma bir bosishda — do'stingiz unutib qo'ysa, tayyor shablon bilan eslatasiz.
• Hammasi bitta joyda — kutilayotgan, yig'ilgan va olingan pul alohida ko'rinadi; 15 000 so'mga yetgach bir bosishda asosiy hisobga, u yerdan kartaga.

Savol-javob

Do'stim havola orqali kirdi, lekin ro'yxatda ko'rinmayapti — nima qilay?

Avval do'stingiz ilovani birinchi marta ochganda chiqadigan «Sizni … taklif qildimi?» savoliga «Ha» deganini tekshiring. Bog'lanmagan bo'lsa u Profil → Taklif biznesi → «Meni kimdir taklif qilganmi?» bo'limiga sizning kodingizni 7 kun ichida kiritishi mumkin. Shunda ham bo'lmasa Telegram @uydaoladmin orqali murojaat qiling — ikkala telefon raqamini yozing.

Pul Hisobimga qachon tushadi?

Har bosqich bonusi (500 so'm) tekshiruvdan keyin (odatda 24 soat) referal balansingizga — «Yig'ilgan balans»ga tushadi. Hisobimga (asosiy hisobga) pul siz o'zingiz o'tkazganingizda tushadi: balans 15 000 so'mga yetgach «Asosiy hisobga o'tkazish»ni bosasiz.

Nega 15 000 so'mdan kam pulni o'tkazib bo'lmaydi?

Kichik summalarni har safar alohida o'tkazish o'rniga bonuslar referal balansida yig'iladi va bir martada o'tkaziladi. Balans 15 000 so'mdan kam bo'lsa tugma faol bo'lmaydi, sahifada «yana … kerak» deb yoziladi. Yig'ilgan pul yo'qolmaydi — keyingi bonuslar ustiga qo'shilib boradi.

«Kutilayotganlar» nimani ko'rsatadi?

Tekshiruvdagi bonus va havolangizga kirgan har bir odam keyingi bosqichlarni bajarsa tushadigan summani. Ustiga bossangiz — nechta odam havolani bosib ilovani ochmagani, nechtasi ochib ro'yxatdan o'tmagani, nechtasi e'lon joylamagani ko'rinadi. Bu summa odamlar bosqichni bajarganda haqiqiy balansga aylanadi.

Do'stim 3 kunda e'lon joylamadi — hamma bonus yo'qoladimi?

Yo'q. Faqat e'lon bonusi (500 so'm) berilmaydi; «Ro'yxatdan o'tdi» uchun 500 so'm saqlanib qoladi, do'stingiz keyinroq birovni taklif qilsa yana 500 so'm tushadi. 3 kunlik muddat do'stingiz ro'yxatdan o'tgan paytdan boshlanadi — ro'yxatda «E'lon uchun … qoldi» hisoblagichi ko'rinib turadi.

Nega taklifim «Tekshiruvda» turibdi?

Har bir bonus xavfsizlik tekshiruvidan o'tadi: yangi raqammi, bir qurilmadan ko'p hisob ochilmaganmi, e'lon haqiqiymi. Odatda 24–48 soatda o'z-o'zidan hal bo'ladi. Uzoq turib qolsa yoki «Rad etildi» bo'lib qoidalar buzilmagan deb hisoblasangiz — Telegram @uydaoladmin ga yozing.

Do'stimga ham pul beriladimi?

Yo'q. Bonus faqat taklif qiluvchiga beriladi. Do'stingiz Uyda Ol'ning barcha imkoniyatlaridan — bepul e'lon joylash, bozor, oshxona, yetkazib berish — oddiy foydalanuvchi sifatida foydalanadi.

Ulashish matnini o'zgartirsam bo'ladimi?

Ha. «Taklif biznesi» sahifasida «Matnni tahrirlash»ni bosib o'z so'zlaringiz bilan yozing (400 belgigacha); havola oxiriga avtomatik qo'shiladi. Do'stingizga pul va'da qiladigan matn yozmang — bu qoidalarga zid va taklif rad etilishiga olib keladi.

Bonusni kartaga yechib olsam bo'ladimi?

Ha, ikki qadamda. Avval referal balansingiz 15 000 so'mga yetgach «Asosiy hisobga o'tkazish»ni bosasiz — pul Hisobimga tushadi. Keyin Profil → «Hisobim» → «Yechib olish» orqali kartangizga yechasiz (Hisobim faollashtirilgan bo'lishi kerak).

O'xshash qo'llanmalar