Bosh sahifa › Yordam markazi › Kuryer bo'lib ishlash

Kuryer bo'lib ishlash

Uyda Ol'da kuryer sifatida ro'yxatdan o'tish — smena, radius, tarif, oshxona/do'kon/ferma buyurtmalari, naqd pul depoziti va reyting.

Uyda Ol — Yordam markazi · Oxirgi yangilanish: 2026-09-12

Kuryer — Uyda Ol buyurtmalarini mijozga yetkazib beruvchi. Buyurtma eng yaqin va bo'sh kuryerga avtomatik biriktiriladi.

Bosqichlar

1. Profil → «Rol» bandini oching va «Kuryer» kartasidagi "Ariza berish"ni bosing.
2. Ma'lumotlarni to'ldiring — F.I.Sh., telefon, transport turi (piyoda, velosiped, mototsikl, avtomobil).
3. Hujjatlarni yuklang — shaxsni tasdiqlovchi hujjat.
4. Arizani yuboring va tasdiqni kuting.
5. Ish shartlarini sozlang — ish radiusi (necha km ichida buyurtma qabul qilasiz) va tarif.
6. Smenani yoqing — "Ishdaman" holatiga o'ting; shundan keyingina buyurtma keladi.
7. Buyurtmani bajaring — qabul qilish → olib ketish → yetkazish → yakunlash.

Qanday ishlaydi

• Yangi buyurtma paydo bo'lganda tizim eng yaqin kuryerni topadi va unga

taklif yuboradi.

• Qabul qilinmasa taklif keyingi kuryerga o'tadi.
• Yetkazish yakunlangach mijoz sizga baho beradi — reytingingiz shakllanadi.

Qaysi buyurtmalarni olasiz

Kuryer bo'limida uch xil buyurtma ko'rinadi:

• Oshxona — taom buyurtmalari;
• Do'kon — do'kon mahsulotlari;
• Ferma — «Dehqondan Ol» buyurtmalari (tugma «Fermadan oldim» deb yoziladi).

Bo'lim uch tabdan iborat: Yangi (olish mumkin), Jarayonda (siz olganlaringiz) va Tarix.

Buyurtma qadamlari

1. «Buyurtmani olish» — buyurtma sizga biriktiriladi, sotuvchiga xabar boradi.
2. Sotuvchiga marshrut — xaritada oshxona/do'kon/fermagacha yo'l chiziladi.
3. «Oldim» — mahsulotni qo'lga olganingizda bosasiz. Shu paytda naqd

hisob-kitob bajariladi (pastga qarang) va mijozgacha marshrut chiziladi.

1. «Yetkazdim» — buyurtma yakunlanadi, mijozda «Yetkazildi» ko'rinadi.

Hisobim (depozit) — naqd pul qanday hisoblanadi

Ish stolida «Hisobim (depozit)» kartasi turadi.

• Naqd to'lovli buyurtmada «Oldim» tugmasini bosganingizda buyurtma summasi

sizning depozitingizdan yechiladi va sotuvchining hisobiga o'tadi.

• Naqd pulni mijozdan o'zingiz olasiz — ya'ni depozitingizni qaytarib

olgan bo'lasiz.

• Kartaga to'langan buyurtmada pul sizning qo'lingizdan o'tmaydi —

depozitga tegilmaydi.

• Har o'zgarish jurnalga yoziladi: «Tarix» tugmasi orqali ko'rasiz.

Nima uchun shunday: sotuvchi pulini mijoz to'lashdan oldin oladi, siz esa qo'lingizdagi naqd pul bilan hisobingizni tiklaysiz. Hech kimda «pul qayerda qoldi?» degan savol tug'ilmaydi.

Depozit kam bo'lsa ogohlantirish chiqadi, lekin buyurtma olish to'xtatilmaydi. Depozitni to'ldirish uchun @uydaoladmin ga murojaat qiling.

Reyting nima uchun muhim

Yuqori reytingli kuryerlarga buyurtma taklifi birinchi bo'lib boradi. Reyting yetkazish tezligi, muomala va buyurtmani bekor qilmaslik asosida hisoblanadi.

Qulayliklari

• Erkin jadval — smenani xohlagan paytda yoqasiz.
• Bitta bo'limda uch manba — oshxona, do'kon va ferma buyurtmalari birga.
• Yaqin buyurtma — ish radiusi bo'yicha faqat yaqin joylar ko'rinadi.
• Naqd pul tartibli — depozit tizimi hisobni o'zi yuritadi.
• Marshrut tayyor — sotuvchigacha va mijozgacha yo'l xaritada chiziladi.
• Transportga qarab tarif — piyoda, skuter, mashina uchun har xil.

Savol-javob

Naqd buyurtmada pul qanday hisoblanadi?

«Oldim» tugmasini bosganingizda buyurtma summasi depozitingizdan yechilib sotuvchining hisobiga o'tadi. Naqd pulni mijozdan o'zingiz olasiz — shu bilan depozitingiz tiklanadi.

Depozitim tugasa buyurtma kelmay qoladimi?

Yo'q, buyurtma olish to'xtatilmaydi — faqat ogohlantirish chiqadi va hisobingiz minusga tushishi mumkin. Uni naqd tushumdan to'ldirib boring.

Do'kon va ferma buyurtmalarini ham olamanmi?

Ha. Kuryer bo'limida oshxona, do'kon va «Dehqondan Ol» buyurtmalari birga ko'rinadi. Ferma buyurtmasida tugma «Fermadan oldim» deb yoziladi.

Uyda Ol'da kuryer bo'lib qanday ishlayman?

Profil menyusidagi «Rol» bandini oching va «Kuryer» kartasidan ariza bering: shaxsiy ma'lumot, transport turi, ish hududi va hujjatlar. Tasdiqlangach ish radiusi va tarifni sozlab, smenani yoqasiz — buyurtmalar shundan keyin kelaboshlaydi.

Ish vaqtini o'zim tanlaymanmi?

Ha. Buyurtma faqat smenangiz yoqilgan paytda keladi; xohlagan vaqtingizda o'chirib qo'yishingiz mumkin.

Kuryerlik uchun transport shartmi?

Yo'q, transport turini o'zingiz tanlaysiz — piyoda ham ishlash mumkin, faqat radius shunga qarab kichikroq bo'ladi.

Kuryerlikka ariza qayerdan beriladi?

Profil menyusidagi «Rol» bandini oching (Rollar sahifasi) → «Kuryer» kartasidagi «Ariza berish» tugmasi. Ariza ko'rib chiqilgach rol faollashadi.

Qanday hujjat kerak?

Passport/ID ning old va orqa tomoni (shaxsingiz allaqachon tasdiqlangan bo'lsa so'ralmaydi). Transportda ishlasangiz — haydovchilik guvohnomasi va transport rasmi ham kerak; piyoda kuryerdan bular so'ralmaydi.

Arizada transport turini nega tanlayman?

Yetkazish haqi aynan shu turga qarab hisoblanadi: piyoda, skuter, mashina va yuk mashinasi uchun 1 km narxi har xil.

«Ish radiusi» nima?

Siz turgan joydan qancha masofadagi buyurtmalar sizga ko'rinishini belgilaydi (3–50 km). Uni arizada tanlaysiz va keyin ish stolida istagan vaqtda o'zgartirasiz.

Buyurtma qanday keladi?

Ish stolida smenani yoqasiz — buyurtma tayyor bo'lganda unga eng yaqin onlayn kuryerga biriktiriladi va sizga xabar keladi. Rad etsangiz buyurtma keyingi kuryerga o'tadi.

Ariza tasdiqlangach nima bo'ladi?

Sizga «Arizangiz qabul qilindi» degan xabar keladi va Profil → Biznes bo'limida «Kuryer» ish stoli ochiladi (Yangi, Jarayonda, Tarix).

O'xshash qo'llanmalar